لندن (نیوز ڈیسک) شادی شدہ افراد کو معاشقے کی سہولت فراہم کرنے والی ویب سائٹ ایشلی میڈیسن کے سی ای او نے استعفیٰ دے دیا ہے۔ بڈرمین کا دعویٰ تھا کہ وہ گیارہ سال سے شادی شدہ ہے اور اس نے اپنی بیوی کو دھوکہ نہیں دیا مگر اب ان کے تین معاشقے بھی سامنے آگئے ہیں۔ بڈرمین ٹورنٹو کی ایک خاتون سے رابطے میں تھے اور اکثر اس سے ہوٹل اور کافی شاپ میں ملاقات کے لئے وقت بھی طے کرتے رہے۔ ایک طالبعلم ملیسا سے بھی ان کے تعلقات سامنے آئے ہیں جبکہ بڈر مین میلا نامی ایک خاتون سے تعلاقات استوار کرنے کی بھی کوشش کر رہے تھے۔ کہا جا رہا ہے کہ نیول بڈرمین نے مدر کمپنی ایوڈ لائف میڈیا سے باہمی معاملات طے کرنے کے بعد استعفیٰ دیا ہے۔ واضح رہے ہیکرز نے ایشلی میڈیسن کا ڈیٹا چوری کرکے انٹرنیٹ پر ڈال دیا ہے اور تمام صارفین کی تفصیلات منظرعام پر آگئی ہیں۔