کراچی ( مانیٹرنگ ڈیسک) ایم کیو ایم کے رکن قومی اسمبلی رشید گوڈیل کو برطانیہ کی کوئین الزبتھ ہسپتال میں منتقل کیے جانے کا امکان ہے ، نجی ٹی وی دنیا نیوز کے ذرائع کے مطابق رشید گوڈیل کی پسلی میں پھنسی ہوئی گولی کوئین الزبتھ ہسپتال کے ماہرین ہی نکال سکتے ہیں ،ہسپتال ذرائع کے مطابق ایک ہفتے مزید ان کی صحت کی بہتری کیلئے درکار ہیں جس کے بعد ہی ان کے بیرون ملک علاج کا فیصلہ کیا جاسکے گا ، فی الحال ڈاکٹر زکی طرف سے کوئی فیصلہ سامنے نہیں آیا، واضح رہے کہ اس سے پہلے نوبل انعام یافتہ ملالہ یوسف زئی پر حملے کے نیتجے میں لگنے والی گولی بھی وہیں نکالی گئی تھی ، معروف صحافی و اینکر پرسن حامد پر قاتلانہ حملے کے نتیجے میں گولی نکالنے کیلئے انہیں بھی اسی ہسپتال میں منتقل کیا گیا تھا جہاں ڈاکٹر ز نے ان کا علاج کیا ،