ملتان(نیوز ڈیسک)ملتان کی سینٹرل جیل میں قتل کے ایک مجرم کو تختہ دار پر لٹکادیا گیا ہے۔ مجرم نے 1996میں 6افراد کا قتل کیا تھا۔ ذرائع کے مطابق مجرم جس کا نام مقبول حسین تھا، اس کا تعلق خانیوال کے علاقے سرائے سدو سے تھا۔ مجرم نے اپنے بھائیوں کے قتل کا بدلہ لینے کے لئے 1996میں 6افراد کو فائرنگ کرکے ہلاک کردیا تھا۔ اس کے بعد عدالت نے مجرم مقبول حسین کو سزائے موت کا حکم سنایا تھا۔ آج علی الصبح ملتان کی سینڑل جیل میں مجرم کے ڈیتھ وارنٹ موصول ہونے کے بعد مجرم کو پھانسی دے دی گئی۔ پھانسی سے پہلے سے مجرم کی اس کے لواحقین سے آخری ملاقات بھی کرادی گئی تھی۔