کراچی(نیوزڈیسک)نادراکی جانب سے غیر ملکیوںکو پاکستانی شہریت دینے کی تحقیقات کے دوران 60نائجیرین شہریوں کو بھی قومی شناختی کارڈجاری کرنے کا انکشاف ہوا ہےجبکہ پاکستانی روزنامہ جنگ کے رپورٹرثاقب صغیرکی رپورٹ کے مطابق شناختی کارڈکے حامل 650غیرملکی باشندوں کا بھی پتہ لگالیاگیا ہے۔ایف آئی اے ذرائع کے مطابق نادرا ملازمین کی جانب سے غیر ملکیوںکو پیسوں کے عوض کمپیوٹرائزڈقومی شناختی کارڈ جاری کرنے کی تحقیقات کے دوران انکشاف ہوا ہے کہ نادرا ملازمین نے پیسوں کے عوض جہاں بھارتی، بنگالی،برمی اور افغانی باشندوں کوشناختی کارڈ جاری کر کے پاکستانی شہریت دینے میں مدد کی وہیں یہ انکشاف بھی ہوا ہے نادرا ملازمین نے افریقی ملک نائیجیریا کے 60باشندو ں کو بھی قومی کمپیوٹرائزشناختی کارڈ جاری کئے ہیں‘ایف آئی اے ذرائع کے مطابق اب تک کی تحقیقات کے دوران 650 ایسے غیر ملکیوں کاپتہ لگا لیا گیا ہے جنھیں قومی شناختی کارڈ جاری کئے گئے جبکہ5ہزار کیسزپر تفتیش جاری ہے۔ ذرائع کاکہنا ہے کہ ایف آئی اے نادرا سینٹر کیماڑی کی طرح جلد کراچی میں نادرا کے دیگر دفاتر پر بھی چھاپے مارے گی۔ –