راولپنڈی(نیوزڈیسک) بینظیر قتل کیس کے اہم گواہ امریکی صحافی مارک سیگل نے بیماری کی وجہ سےآج 26اگست کو بیان ریکارڈ کروانے سے معذرت کر لی ۔امریکی صحافی نے سفارت خانے کے ذریعے عدالت کو تحریر طور پر اطلاع دی کہ وہ طبیعت کی خرابی کے باعث بیان ریکارڈ نہیں کروا سکتے لہٰذا ان کے وڈیو لنک بیان کی ریکارڈنگ کو 1یا 2ستمبر تک ملتوی کیا جائے انسداد دہشت گردی کی عدالت نے وزارت داخلہ کی جانب سے امریکی صحافی مارک سیگل کی جانب سے بیان ریکارڈ کروانے پر رضامندی کے اظہار کے بعدکمشنر راولپنڈی آفس میں ویڈیو لنک بیان ریکارڈ کرنے کیلئے انتظامات مکمل کرنے کی ہدایت کی تھی –