اسلام آباد ( مانیٹرنگ ڈیسک) ہمیں حکمران نہیں لیڈر چاہیں ،ٹیکس میں کمی کرنے ، ایک اور پانچ ہزار کے نوٹ ختم ہونے سے کرپشن روکی جاسکتی ہے  ، بحریہ ٹاﺅن کے چیئرمین ملک ریاض نے سی ای او سمٹ 2015تقریب میں شرکت کے بعد میڈیا سے گفتگو کرتے ہوئے کہا ہے کہ پاکستان کو ہرسال سیلاب جیسی آفت کا سامنا کرنا پڑتا ہے ، ڈیم بنا دیں تو مسائل حل ہوجائیں گے ،، انہوں نے کہا کہ کروڑوں بچے سکول نہیں جاتے ، جب تک ہم تعلیم کے شعبے میں ترقی نہیں لائیں گی ملک خوشحال نہیں ہوگا ، ملک میں ہر بڑی بیماری موجود ہے علاج نہیں، مجھ سمیت اشرافیہ اپنے ملک میں علاج نہیں کرواتے ،ملک ریاض نے مزید کہا کہ نظام ایسا ہے کہ ملک ترقی نہیں کررہا حکمرانوں سے جان چھوٹے گی اور کوئی لیڈر آئے گا تو ہی ملک ترقی کی راہ پر گامزن ہوگا، برنس مین کو بلیک میل کیا جاتا ہے لیکن ہم پاکستان میں رہیں گے اور اس ملک کیلئے ہی کام کرتے رہیں گے ، چیئرمین بحریہ ٹاﺅن نے کرپشن کے خاتمہ کے حوالے سے تجویز دیتے ہوئے کہا کہ حکومت 50فیصد ٹیکس میں چھوٹ دے اور ایک ، 5ہزار کے نوٹ اور بانڈز ختم کردے تو کرپشن بھی نہیں ہوگی ، تقریب میںملک ریاض کو تعمیرات ، سماجی اور فلاحی کاموں میں بہتر کارکردگی پر لائیوبیسٹ لیڈر شپ ایوارڈ سے بھی نواز گیا ، اس موقع پر سینئر صحافیوں سمیت ، معروف سیاستدان ماروی میمن اور دوسری شخصیات بھی موجود تھیں ، واضح رہے کہ ملک ریاض پاکستان کے دس امیر ترین شخصیات میں شامل ہیں اور ایشاٗ کی سب سےبڑی پرائیویٹ ریئل سٹیٹ کے مالک ہیں