ساہیوال(مانیٹرنگ ڈیسک)ساہیوال میں قادر آباد کول پاور پلانٹ پر چینی انجینئرز کی سیکیورٹی پر تعینات ڈی ایس پی غلام محمد شاہین نے مبینہ طور پر خود کو گولی مارکر خودکشی کرلی جبکہ رشوت کے الزام میں گرفتار اے ایس آئی ایوب خان نے حوالات میں زندگی کا خاتمہ کرلیا میڈیا رپورٹ کے مطابق ڈی ایس پی غلام محمد شاہین نے خودکشی کرلی، غلام محمد بورے والا کا رہائشی اور چینی انجینئرز کی سیکیورٹی پر مامور تھا۔ واقعے کی اطلاع ملتے ہی پولیس نے جائے وقوعہ پر پہنچ کر لاش کو تحویل میں لیکر پوسٹ مارٹم کیلئے ہسپتال منتقل کردیاپولیس کے مطابق واقعے کی تفتیش جاری ہے تاہم جائے وقوعہ سے شواہد اکھٹا کئے جارہے ہیں۔ادھر تھانہ فرید ٹاو ¿ن میں تعینات اے ایس آئی ایوب خان نے تھانہ سول لائن کے حوالات میں پراسرار طور پر گولی مارکر خودکشی کرلی ایوب خان کے پاس پولیس حراست کے دوران پستول کی موجودگی نے خودکشی کے معاملے کو معمہ بنا دیا پولیس کے مطابق واقعے کی تفتیش کی جارہی ہے اینٹی کرپشن پولیس نے ایوب خان کو ایک روز قبل رشوت خوری کے الزام میں گرفتار کیا تھا۔