یمن(نیوز ڈیسک)یمن میں اتحادی طیاروں کی بمباری کے نتیجے میں المشجع کے مقام پر 53 حوثی باغی ہلاک ہوگئے ہیں ۔ بمباری سے باغیوں کے کئی ٹھکانے ، گاڑیاںاور اسلحہ وگولہ بارود کے ذخائر بھی تباہ کردیے گئے ہیں ۔ العربیہ کی رپورٹ کے مطابق اتحادی طیاروں کی جانب سے مغربی آمارات میں ، پانچ فوجی قافلوں اور اسلحہ وگولہ بارود لے جانے والے تین ٹرکوں کو نشانہ بنایاگیا۔یمن کے مختلف شہروں میں حکومت کی بحالی کیلئے فوج اور مذاحمتی کارکنوں کی زمینی پیش قدمی بھی جاری ہے ۔ یمن کے اب اور تعز شہروں میں باغیوں کے متعدد مراکز کو تباہ کرنے کے بعد مزاحمت کا ر تیزی کے ساتھ آگے بڑھ رہے ہیں ۔ جنوب مغربی مآرب میں الجفنیہ اور الفار کے مقامات پر باغیوں اور حکومت نواز فورسز میںخون ریز لڑائی جاری رہی ، مآرب میں مزاحمت کاروں اور حکومتی فورسز کو تازہ فوجی کمک بھی پہنچا دی گئی ہے ۔ عینی شاہدین کا کہنا ہے کہ مآرب میں باغیوں کیخلاف آپریشن کو مزید تیز کرنے کیلئے ٹینک اور بکتر بند گاڑیاں پہنچا دی گئی ہیں ۔