اسلام آباد (آن لائن) وفاقی دارالحکومت کے ماتحت عدالت کے مجسٹریٹ وقاص رشید نے ایک لاکھ کے ضمانتی مچلکوں کے عوض ڈی جے بٹ کی ضمانت منظور کر لی ۔ تفصیلات کے مطابق پیر کے روز اسلام آباد کی عدالت میں مجسٹریٹ وقاص رشید نے تحریک انصاف کے ساﺅنڈ ماسٹر ڈی جے بٹ کی ضمانت منظور کر لی ۔عدالت نے ڈی جے بٹ کو ایک لاکھ روپے کے ضمانتی مچلکوں اور 2 افراد کی شخصی ضمانت کے عوض ضمانت منظور کی ۔ عدالت کے سامنے ڈی جے بٹ نے کہا کہ آئندہ سماعتوں پر حاضری کو یقینی بناﺅں گا اور غیر حاضر نہیں رہوں گا ۔ واضح رہے کہ ڈی جے بٹ نے اسلام آباد میں تحریک انصاف کے دھرنے کے دوران دفعہ 144 اور ایمپلی فائر ایکٹ کی خلاف ورزی کی تھی جس کے بعد اسلام آباد کے تھانہ سیکرٹریٹ میں ان کے خلاف مقدمہ درج کر لیا گیا تھا اور عدالت سے مسلسل غیر حاضری پر ان کی گرفتاری کا حکم جاری کیا تھا ۔