راولپنڈی(نیوزڈیسک)صدر ممنون حسین کے قافلے کے راستے میں آتش بازی کے باعث معمولی دھماکے کے نتیجے میں سیکیورٹی ادارے پریشانی کا شکار ہو گئے۔نجی ٹی وی کے مطابق راولپنڈی میں واقع ملٹری ہسپتال (ایم ایچ) کے شعبہ امراض چشم (اے ایف آئی او) سے چند گز کے فاصلے پر قائم ریسکیو 15 ہیڈ کوارٹر کی عمارت کے قریب اس وقت آتش بازی کا معمولی دھماکا ہوا جب صدر ممنون حسین ہسپتال سے اپنی آنکھوں کا معائنہ کروا کر واپس اسلام آباد روانہ ہوئے۔صدر ممنون حسین کے سیکیورٹی قافلے میں جدید اسلحے سے لیس پولیس ایلیٹ فورسز کے کمانڈوز اور دیگر قانون نافذ کرنے والے اداروں کے اہلکار شامل تھے جس وقت صدر پاکستان آنکھوں کا معائنہ کروانے کے بعد اسلام آباد واپسی کےلئے روانہ ہوئے ان کے قافلے کے گزر جانے کے بعد پشاور روڈ پر قائم ٹریفک ہیڈ کوارٹر کے قریب معمولی دھماکا ہوا جس سے سیکیورٹی اہلکاروں میں بے چینی پھیل گئی۔سیکیورٹی ادارے موقع سے کسی بھی مشکوک شخص کو گرفتار کرنے میں کامیاب نہیں ہوسکے۔ایلیٹ فورس کے ایک کمانڈو نے نام ظاہر نہ کرنے کی شرط پر نجی ٹی وی کو بتایا کہ یہ انتہائی معمولی نوعیت کا دھماکا تھا جوکہ آتش بازی کے دوران ہوا، کسی راہ گیر کی جانب سے دھماکہ فورسز کو پریشان کرنے کے لئے کیا گیاشہری کی جانب سے شرارت کے طور پر آتش بازی کا دھماکا کیا گیا تھا۔ایک پولیس افسر نے بتایا کہ پولیس نے آتش بازی کرتے ہوئے کسی کو بھی نہیں دیکھاجس کےلئے وہ معذرت خواہ ہیں