کراچی(نیوزڈیسک)رشید گوڈیل پر حملہ کرانے والوں کیلئے خطرے کی گھنٹی بج گئی،ایم کیو ایم کے رہنما رشید گوڈیل کا علاج کرنے والے ڈاکٹرز نے کہاہے کہ زخمی رشید گوڈیل ذہنی طور پر تندرست ہیں. وہ اب اپنے اہلخانہ اور دوست احباب کو بھی پہنچان رہے ہیں۔ترجمان لیاقت نیشنل ہسپتال انجم رضوی نے میڈیا سے بات چیت کرتے ہوئے بتایا کہ رشید گوڈیل کا بلڈ پریشراوردل کی دھڑکن نارمل ہے اور ان کی حالت مسلسل بہترہورہی ہے تاہم جب تک وہ آئی سی یو میں ہیں انہیں خطرے سے باہرنہیں کہا جاسکتا جب کہ مزید 3 سے 4 روز انہیں آئی سی یو میں ہی رکھا جائےگا۔ انہوں نے کہا کہ ڈاکٹرسلمان فریدی کی سربراہی میں 18 رکنی میڈیکل پینل نے رشید گوڈیل کا معائنہ کیا اور اب بھی ان کی پسلی میں ایک گولی موجود ہے تاہم ان کی حالت اس قابل نہیں کہ آپریشن کیا جائے۔ترجمان نے بتایا کہ رشید گوڈیل نے پلکیں جھپکا کر اشارہ کیا اور اہلخانہ کو پہنچانا جس سے یہ بات ثابت ہوتی ہے کہ ان کی یادداشت بھی ہے اور وہ پہنچاننے کی صلاحیت بھی رکھتے ہیں تاہم وہ ابھی کسی بھی قسم کا بیان دینے کی پوزیشن میں نہیں ہیں .ڈاکٹرزنے فیصلہ کیا ہے کہ انہیں آئندہ 12 سے 16 گھنٹے وینٹی لیٹرکے بغیررکھا جائے گا۔رشید گوڈیل کے پھیپھڑے میں لگنے والی گولی کے حوالے سے ترجمان نے کہاکہ گولی پسلیوں کے درمیان اٹک گئی ہے اور اس نے جتنا نقصان پہنچانا تھاوہ پہنچا چکی ہے، لہذا ابھی اسے آپریشن کرکے نکالنے کی ضرروت نہیں اور نہ ہی مریض کی حالت ایسی ہے کہ سرجری کی جاسکے