اسلام آباد (آن لائن) پاکستان تحریک انصاف کے مرکزی سیکرٹری جنرل اسد عمر نے کہا ہے کہ پٹرول کی قیمت میں اضافے کی وجہ روپے کی قدر میں کمی ہوئی ہے ،درآمدی ایندھن سے مہنگی بجلی کی پیداوار مہنگائی کا طوفان لے کر آئے گی۔ اپنے ایک بیان میں انہوں نے کہا پیٹرول کی قیمت میں تقریباً 30 روپیہ فی لیٹر اضافہ صرف روپے کی قدر میں کمی کی وجہ سے ہوا ہے۔ تمام امپورٹڈ ایندھن سے پیدا ہونے والی بجلی کی قیمت میں بھی اسی وجہ سے اضافہ ہو گاجسکے اثرات معیشت سمیت تمام دوسری چیزوں پر مرتب ہو ں گے، مہنگائی کا طوفان بھی اور زور پکڑے گا۔