اسلام آباد( آن لائن ) سابق صدر آصف علی زرداری نے کہا ہے کہ گندم میں پاکستان کو خود کفیل بنانا میری پہلی ترجیح ہے ۔ مسلم لیگ ق کے وفاقی وزرا طارق بشیر چیمہ اور چوہدری سالک حسین نے آصف زرداری سے ملاقات کی ،تینوں رہنمائوں کے درمیان ملک کی مجموعی سیاسی و معاشی صورت حال پر تبادلہ خیال کیا گیا،آصف زرداری نے کہا کہ گندم میں پاکستان کو خود کفیل بنانا میری ، پیپلز پارٹی کی اور قومی حکومت کی پہلی ترجیح ہے، اگر میرے ملک کا کاشتکارخوشحال ہے تو ملک خوشحال ہے۔اس موقع پر طارق بشیر چیمہ نے کہا کہ بجٹ میں کاشتکاروں کے لیے خصوصی طور پر ریلیف دیا گیا ہے جبکہ چوہدری سالک حسین کا کہنا تھا کہ کاشتکاروں اور بیرونی سرمایہ کاروں کا اعتماد بحال کرنا ہی قومی حکومت کی پہلی ترجیح ہے ۔