اسلام آباد (این این آئی)برٹش، ایئر ویز نے 15 جون سے 30 جون تک آپریشنل وجوہات کی بناء پر اسلام آباد کیلئے پروازیں معطل کردی ۔ میڈیا رپورٹ کے مطابق برٹش ایئرویز کے اسٹیشن منیجر نے اسلام آباد ایئرپورٹ پر سی اے اے منیجر کو ٹیلی فون پر آگاہ کردیا ،آپریشنل بنیاد پر معطلی سے قبل برٹش ایئرویز کی پروازیں اسلام آباد کے لیے 15 جون تک جاری رہیں گی۔ترجمان سی اے اے نے کہاکہ اسلام آبادایئرپورٹ پر ایندھن کی عدم دستیابی کے باعث برٹش ایئرویز کی پروازیں معطل کرنے کی اطلاعات درست نہیں۔ ترجمان کے مطابق آپریشنل وجوہات کی بنا پر، برٹش ایئرویز نے 15 سے 30 جون 2022 تک اسلام آباد کے لیے پروازیں معطل کی ہیں۔ترجمان کے مطابق فیول کی کوئی کمی نہیں ۔اسلام آباد ایئرپورٹ کو ایوی ایشن فیول فراہم کرنے والے ادارے کی تصدیق کی گئی ۔