ماسکو(نیوز ڈیسک) روس کے صدر ولادمیر پیوٹن اپنی مہم جوئیوں کی وجہ سے خاصے مشہور ہیں اور اس مرتبہ روسی صدر جہاز کا ملبہ ڈھونڈنے کیلئے آبدوز کے ذریعے سمندر کی گہرائی میں اتر گئے۔روس کے صدرولاد میرپیوٹن منگل کو چھوٹی آبدوزمیں سوارہوکرپانی کے اندرایکشن میں نظر آئے۔ یہ چھوٹی آبدوزکریمیا جزیزے کے ساحلی علاقے میں اس جہازکاملبہ تلاش کرے گی جو گزشتہ سال روس نے گزشتہ سال یوکرین سے پکڑاتھا۔پیوٹن نے خاکستری مائل پینٹ سوٹ پہن رکھاتھا ہالینڈ ساختہ شیشہ نما بلبلے کے کیبن میں پائلٹ کے ہمراہ سوار ہو کر 83 میٹرگہرائی تک سفرکیا۔ پیوٹن نے بحر اسود میں پانی میں غوطہ لگانے کے بعد صحافیوں کو بتایا کہ 83 میٹرکافی گہرائی ہے، یہ دلچسپ سفرتھا۔