جمعہ‬‮ ، 04 جولائی‬‮ 2025 

حکومت ادھر کی رہی نہ اْدھر کی رہی، عمران خان ہیرو بن گئے، شیخ رشید

datetime 15  مئی‬‮  2022
ہمارا واٹس ایپ چینل جوائن کریں

فیصل آباد (این این آئی)سابق وفاقی وزیر داخلہ شیخ رشید نے کہا ہے کہ حکومت نہ ادھر کی رہی نہ ہی اْدھر کی، عمران خان ہیرو بن گیا، یہ زیرو ہوگئے،یہ فیل ہوگئے ہیں، حکومت سے کوئی چیز نہیں سنبھل رہی، یہ اب نواز شریف کو بلائیں،نیشنل سیکیورٹی کونسل کی میٹنگ بلائیں نگران وزیراعظم کا انتخاب کریں، 31 مئی تک نگراں حکومت بنالیں، ستمبر تک الیکشن ہوجانے چاہئیں،

عمران خان کو گرفتار کیا گیا توملک سری لنکا بن جائیگا،بلوچستان عوامی پارٹی کا باپ کون ہے؟ متحدہ قومی موومنٹ کیسے چلی گئی، سب ہی جانتے ہیں،تمام ادارے ہمارے ہیں ان پر ناز ہے مگر ملک ڈوبتے نہیں دیکھ سکتے۔ میڈیا سے گفتگو کرتے ہوئے سابق وفاقی وزیر داخلہ شیخ رشید نے کہا کہ حالات ابتر و خراب، تشویشناک اور گھمبیر ہوتے جارہے ہیں، ان سے حکومت سنبھل نہیں رہی، آصف زرداری نے ان کو گھیر کے گھنٹہ گھر چوک میں مارا ہے، ہمارا سارا ملبہ ان پر پڑ گیا ہے اور یہ اس ملبے تلے دب کر مر جائیں گے، عمران خان ہیرو اور یہ سارے زیرو ہو گئے ہیں، 16 سیاسی پارٹیوں کے سیاسی جنازے باہر آگئے ہیں، جب سے یہ حکومت آئی ہے 30 فیصد مہنگائی بڑھی ہے، یو اے ای، چین اورسعودیہ سے یہ لوگ خالی ہاتھ لوٹے ہیں، موجودہ صورتحال میں ڈالر اسی ماہ کے آخر تک 200 تک پہنچ جائیگا، ہر چیز ڈبل ہے مگر کارکردگی صفر ہے، یہ فیل ہوگئے ہیں، اگر ملک دیوالیہ ہوگیا تو کیا کریں گے، ان کے پاس کوئی حکمت نہیں، جو تھی وہ کرچکے۔شیخ رشید نے کہا کہ میں دو سال سے کہتا تھا ن سے شین نکلے گی سب نے دیکھ لیا، میں کہتا تھا یہ لوگ فضل الرحمان سے ہاتھ کریں گے، مولانا کے بیٹے نے کبھی باتھ روم نہیں بنایا وہ موٹر وے بنائیں گے، اس حکومت نے سیکیورٹی پر جس بندے کو لگایا وہ بقول شیرعلی خود 22 بندوں کا اجرتی قاتل ہے، رانا ثنااللہ کو حکومت نے غنڈہ گردی کے لئے رکھا ہے،

وہ مجھے دھمکا رہا ہے اور کہتا ہے مجھے گھر سے نہیں نکلنے دے گا، اسے پتہ ہی نہیں حالات اس سے آگے نکل چکے ہیں، مجھ پر خود کش حملے ہو چکے ہیں میں ان سے نہیں ڈرا تو اس شیطان سے کیا ڈروں گا، میں رانا ثناء اللہ کو طلب کئے جانے کے قابل بھی نہیں سمجھتا۔سابق وفاقی وزیر نے کہا کہ عمران خان کی قیادت میں ملک انقلاب کی جانب جارہا ہے، نواز شریف کو بلائیں اس جہاز سے بھی سواریاں اتر جائیں گی کہ چوروں کے ساتھ

سفر نہیں کرنا، ہم گھروں میں بھی رہیں تو یہ حکومت جارہی ہے، اگر عمران خان کو گرفتار کیا گیا تو ملک سری لنکا بن جائے گا، ہم نے عمران خان کی سیکیورٹی کے حوالے سے خط لکھ دیا ہے، پی ٹی آئی نے اپنی حکمت عملی مکمل کر رکھی ہے، موجودہ حکومت نے نگران حکومت کیلئے نیشنل سکیورٹی کونسل کا اجلاس بلایا ہے، اجلاس میں نگران وزیراعظم کا اعلان اور 31 مئی سے پہلے کیئر ٹیکر گورنمنٹ بنالی جائے اور انتخابات کی تاریخ

دی جائے۔اس سے قبل سماجی رابطے کی ویب سائٹ ٹویٹر پر اپنی ٹوئٹ میں شیخ رشید نے کہا کہ مختصر ترین وقت میں متبادل جگہ پر عمران خان کا کامیاب ترین جلسہ سیاست کی تاریخ ہے، حکومت کے ہاتھ میں فیصلہ ہے کہ آئی ایم ایف کے پاس جانا ہے، الیکشن کرانا ہیں یابرے حادثے کا شکا ر ہونا ہے۔شیخ رشید نے کہا کہ عابد شیر علی کے والد شیر علی نے رانا ثناء اللہ کو 22 افراد کا اجرتی قاتل کہا مگر ادارے خاموش ہیں، اے این ایف نے رانا ثناء اللہ پر منشیات فروشی کی 15 شہادتوں کا بیان عدالت میں دیا مگر فرد جرم نہ لگ سکی۔

موضوعات:

آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں


کالم



وائے می ناٹ


میرا پہلا تاثر حیرت تھی بلکہ رکیے میں صدمے میں…

حکمت کی واپسی

بیسویں صدی تک گھوڑے قوموں‘ معاشروں اور قبیلوں…

سٹوری آف لائف

یہ پیٹر کی کہانی ہے‘ مشرقی یورپ کے پیٹر کی کہانی۔…

ٹیسٹنگ گرائونڈ

چنگیز خان اس تکنیک کا موجد تھا‘ وہ اسے سلامی…

کرپٹوکرنسی

وہ امیر آدمی تھا بلکہ بہت ہی امیر آدمی تھا‘ اللہ…

کنفیوژن

وراثت میں اسے پانچ لاکھ 18 ہزار چارسو طلائی سکے…

دیوار چین سے

میں دیوار چین پر دوسری مرتبہ آیا‘ 2006ء میں پہلی…

شیان میں آخری دن

شیان کی فصیل (سٹی وال) عالمی ورثے میں شامل نہیں…

شیان کی قدیم مسجد

ہوکنگ پیلس چینی سٹائل کی عمارتوں کا وسیع کمپلیکس…

2200سال بعد

شیان بیجنگ سے ایک ہزار اسی کلومیٹر کے فاصلے پر…

ٹیرا کوٹا واریئرز

اس کا نام چن شی ہونگ تھا اوروہ تیرہ سال کی عمر…