اسلام آباد (این این آئی)سری لنکا سے سزا یافتہ 41 پاکستانی قیدیوں کی رہائی کے احکامات جاری کردئیے گئے۔پاکستانی قوانین کے مطابق قیدیوں کی سزا مکمل ہونے پر ان کی رہائی کے احکامات جاری کیے گئے ہیں ،اس سلسلے میں وزارت داخلہ نیرپورٹ اسلام آباد ہائیکورٹ میں جمع کرادی ہے۔رپورٹ میں کہا گیا کہ اسپیشل جج سینٹرل کے فیصلے کی روشنی میں 40سے زائدپاکستانی قیدیوں کی رہائی کے احکامات جاری کیے گئے، عدالتی فیصلے اورپاکستانی قوانین کے مطابق سزاؤں پرنظرثانی کی گئی، 100گرام سے زائدمنشیات کیس میں سزا یافتہ 26 قیدیوں کو رہا کیا جائیگا، 100 گرام سے کم منشیات کیس میں سزا یافتہ 15 قیدیوں کی رہائی کیلئے خط لکھاگیا۔وزارت داخلہ کے مطابق سری لنکا سے رہائی پانے والے پاکستانی منشیات اسمگلنگ کیسز میں قید تھے، سزا یافتہ 40 سے زائد پاکستانی قیدی نومبر 2020 میں پاکستان لائیگئے تھے جب کہ قیدیوں کو پاکستان لاکر اڈیالہ جیل میں رکھا گیا تھا۔