اسلام آباد (این این آئی)آئندہ مالی سال کا بجٹ جون کے پہلے ہفتے میں پیش کرنے کا فیصلہ کرلیاگیا اس حوالے سے قومی اسمبلی کے بجٹ اجلاس کا شیڈول بھی طے ہوگیا ۔ذرائع کے مطابق قومی اسمبلی میں بجٹ جون کے پہلے ہفتے میں پیش کیا جائے گا اور بجٹ سیشن یکم جون سے شروع ہوکر پورا مہینہ جاری رہیگا۔ذرائع کے مطابق بجٹ سے قبل قومی اسمبلی کا اجلاس بلایا جائے گا جس میں پارلیمانی ایام پورے کیے جائیں گے۔ذرائع کے مطابق قومی اسمبلی کا اگلا اجلاس عید کے بعد 9 مئی کو بلایا جائے گا، رواں پارلیمانی سال کا آٹھواں سیشن 8 دن چلانیکے بعد 16 مئی کو ملتوی کردیا جائیگا جب کہ رواں پارلیمانی سال کا آخری سیشن 25 جولائی سے 5 اگست تک ہوگا۔ذرائع کے مطابق پارلیمانی کیلنڈرکے مطابق اب تک پارلیمانی سال کے7 اجلاس اور 81 پارلیمانی ایام مکمل ہوئے جب کہ آئینی طور پر پارلیمانی سال میں قومی اسمبلی کا اجلاس 130 دن ہونا ضروری ہے۔