اسلام آباد (مانیٹرنگ،این این آئی)عمران خان دور کی معاشی بدحالی کی تفصیلات دیکھ کر نواز شریف بھی پریشان ہو گئے، وزیر خزانہ مفتاح اسماعیل کی لندن میں نواز شریف اور اسحاق ڈار سے ملاقات ہوئی، وزیر خزانہ کا کہنا ہے کہ میاں نواز شریف موجودہ حالات پر تشویش میں مبتلا ہیں، نواز شریف عمران خان دور کی معاشی بدحالی کی وجہ سے پریشان ہیں۔

واضح رہے کہ وفاقی وزیرخزانہ ومحصولات مفتاح اسماعیل نے کہاہے کہ آئی ایم ایف کے پروگرام کوٹریک پرواپس لانے کیلئے وہ واشنگٹن روانہ ہورہے ہیں، پی ٹی آئی حکومت گیس کے شعبہ میں 1500 ارب روپے کاگردشی قرضہ چھوڑگئی ہے۔ جمعرات کوسماجی رابطہ کی ویب سائٹ ٹوئٹرپر جاری ٹویٹس میں وزیرخزانہ نے کہاکہ آئی ایم ایف کے پروگرام کوٹریک پرواپس لانے کیلئے وہ واشنگٹن روانہ ہورہے ہیں،اس پروگرام کوپی ٹی آئی اورعمران خان نے ڈی ریل کرکے ملکی معیشت کوخطرات میں ڈال دیاتھا۔وزیرخزانہ نے کہاکہ تین سال ای سی ایل میں میں ہونے کے بعد وہ لندن کاسفربھی کریں گے جہاں وہ اپنے لیڈرمیاں نوازشریف سے ملاقات کریں گے۔پی ٹی آئی کے رہنما حماداظہرکے اٹھائے گئے نکات کاجواب دیتے ہوئے وزیرخزانہ نے کہاکہ انہیں بہت خوشی ہوئی ہے کہ حماداظہرنے گیس کے شعبہ میں 1500 ارب کے گردشی قرضہ کااعتراف کیاہے۔ انہوں نے کہاکہ عمران خان کی نااہلی اورجھوٹ کے علاوہ کسی چیزنے پی ٹی آئی کی حکومت کوایل این جی کی پرائسنگ سے نہیں روکا تھا۔مفتاح اسماعیل نے کہاکہ وہ واضح طوپرکہتے ہیں کہ پی ٹی آئی کی حکومت نے گیس کے شعبہ میں 1500 ارب روپے کاگردشی قرضہ چھوڑاہے اس میں سوئی نادرن کے 200 ارب روپے شامل ہیں۔انہوں نے کہاکہ حکومت میں آنے سے پہلے ان کاخیال تھا کہ گیس کے شعبہ کاگردشی قرضہ محض 700 ارب روپے ہے۔

موضوعات:نواز شریف