اسلام آباد (آئی این پی) بیرون ملک سے پاکستان آنے والے مسافروں کے لئے وزارت داخلہ کی جانب سے ای-ویزا کے اجرا کا آغاز کردیا گیا ہے۔ غیرملکیوں کو ویزے کی تمام کاغذی کارروائی کے بعد ایک کیوآرکوڈ جاری کیا جائے گا۔ ویزے کی تفصیلات پر مبنی کیوآرکوڈ پاکستانی ایئرپورٹس پر ایف آئی اے امیگریشن حکام اسکین کریں گے۔ سسٹم کی تصدیق پرغیرملکی کو پاکستان میں 90 دن قیام کاٹورسٹ ویزہ جاری کر دیا جائے گا۔ الیکٹرانک ٹریول اتھرائزیشن پرمبنی ویزے کی منطوری متعلقہ سفارت خانہ دے گا۔ پاسپورٹ سے لنک ای ویزا بورڈنگ کے وقت متعلقہ ایئرلائن عملہ بھی اسکین کرے گا۔ غیرملکی مسافروں کو سفر کی معلومات اور رابطہ نمبر پاس ٹریک نامی ایپلیکیشن پر بھی اپ لوڈ کرنا ہو گا۔

موضوعات:ای-ویزا