لاہور (این این آئی)لاہور کی ضلعی انتظامیہ نے کل جلسے کے حوالیسے تحریک انصاف کو ایک اور مراسلہ جاری کردیا جس کے مطابق سابق وزیراعظم عمران خان بلٹ پروف گاڑی میں سفرکریں اور ان کی گاڑی کی کھڑکیاں اورچھت مکمل بند ہونی چاہیے۔مراسلے میں کہا گیا کہ
خطاب کی جگہ اور سامنے لگنے والا شیشہ بھی بلٹ پروف ہونا چاہیے، جلسہ گاہ میں بیک اپ جنریٹرز موجود ہونے چاہیے تاکہ بجلی کی بندش پر ناخوشگوار واقعے سے بچاجاسکے۔مراسلے کے مطابق اسٹیج، خواتین اور مردوں کے داخلی دروازوں کی سکیورٹی یقینی بنائی جائے گی جبکہ جلسہ گاہ میں ایمرجنسی انخلا کے راستے بھی یقینی بنائے جائیں اور پولیس کے ساتھ جلسہ گاہ کے باہر قناطیں اورباڑلگانیکاکام مکمل کیاجائے۔مراسلے میں کہا گیا کہ جلسہ انتظامیہ یقینی بنائیکہ اسٹیج اور وی آئی پی جگہ پرکوئی نامعلوم شخص داخل نہ ہوسکے۔مراسلے میں ہدایت کی گئی ہے کہ جلسہ انتظامیہ پولیس اور ٹریفک پولیس کے ساتھ تعاون یقینی بنائے۔واضح رہے کہ اس سے قبل بھی ڈپٹی کمشنر لاہور نے مینار پاکستان پر جلسے کے حوالے سے پاکستان تحریک انصاف کی قیادت کو خط لکھ کر سکیورٹی خدشات کا اظہار کیا تھا۔
