اسلام آباد (مانیٹرنگ ڈیسک) پاکستان تحریک انصاف کی رہنما عالیہ حمزہ نے پبلک ٹی وی کے پروگرام میں گفتگو کرتے ہوئے کہا کہ سابق وزیراعظم عمران خان اگر اپنی پشاوری چپل کی نیلامی کریں تو عوام اس پر اربوں روپے نچھاور کر دیں گے، ان کا کہنا تھا کہ پاکستان کی خود داری، عزت، سالمیت کا بوجھ اکیلے عمران خان نے اپنے کندھوں پر اٹھا رکھا ہے، ہمارا لیڈر ہماری سوچ سے بھی زیادہ دلیر اور بہادر نکلا ہے۔ ان کا کہنا تھا کہ اگر عمران خان اپنے گھر کی کوئی چھوٹی سے چھوٹی چیز بھی لا کر فروخت کرنے کے لئے دیں تو عوام اس پر کروڑوں روپے نچھاور کر دیں گے۔