کراچی(این این آئی)اتحادی جماعت ایم کیو ایم نے وزیراعظم بنتے ہی شہبازشریف سے شکوہ کر دیا۔ایم کیو ایم کے رہنما وسیم اختر نے نومنتخب وزیراعظم کے خطاب میں متحدہ کے ساتھ طے پانے والے معاہدے کا ذکر نہ کرنے کا شکوہ کیا ہے۔وسیم اختر نے کہاکہ ن لیگ اور پیپلزپارٹی وفاق اور سندھ کی سطح پر ایم کیوایم سے معاہدہ کیا ایم کیوایم نے اپوزیشن کا ساتھ دیا اسی لیے شہبازشریف وزیراعظم بنے شہبازشریف کے خطاب میں معاہدے کا اعلان ہونا چاہیے تھا۔وسیم اختر نے کہا کہ ایم کیوایم کیساتھ جو معاہدے کیے گئے اعلان ہونا چاہیے تھا شہبازشریف نے ایم کیوایم کیساتھ معاہدہ کیا تھا انہیں اعلان کرنا چاہیے تھا۔