اسلام آباد (این این آئی)پاکستان تحریک انصاف کے ایوان سے واک آئوٹ پر جی ڈی اے نے ساتھ نہیں دیا ۔پیر کو قومی اسمبلی میں خطاب کرتے ہوئے تحریک انصاف کے رکن اسمبلی شاہ محمود قریشی نے ایوان سے اجتماعی استعفوں اور وزار ت عظمیٰ کے انتخاب کے بائیکاٹ کااعلان کیا اور اعلان کے ساتھ ہی پی ٹی آئی کے تمام اراکین قومی اسمبلی سیشن کا بائیکاٹ کرکے ایوان سے واک آؤٹ کر گئے تاہم جی ڈی اے کے رکن اسمبلی غوث بخش مہر اور سائرہ بانوایوان میں موجود رہیں جبکہ جی ڈی اے کی فہمیدہ مرزا ، مسلم لیگ (ق) کے رکن اسمبلی مونس الٰہی اور حسین الٰہی اور عوامی مسلم لیگ کے شیخ رشید احمد بھی ایوان میں نہیں آئے ۔