اسلام آباد (آن لائن ) نامزد وزیراعظم شہبازشریف نے کہا ہے کہ بھارت کے ساتھ امن کے خواہاں ہیں، مسئلہ کشمیر کے حل کے بغیر امن ممکن نہیں، قومی ہم آہنگی میری پہلی ترجیح ہے، نئی کابینہ کی تشکیل اپوزیشن رہنماوں کی مشاورت کیساتھ ہوگی۔ میڈیا سے غیر رسمی خصوصی گفتگو کرتے ہوئے شہبازشریف نے کہا کوشش ہوگی کہ ملکی معیشت بہتر کرکے عوام کو ریلیف دے سکیں۔ملک میں نئے دور کا آغاز کریں گے۔باہمی احترام کو فروغ دیں گے،شہبازشریف سے سوال کیا گیا کہ میاں نوازشریف کب واپس آئیں گے؟ان کے کیسزکا کیا بنے گا؟ جس کے جواب میں انہوں نے کہا نوازشریف کے کیسز قانون کے مطابق دیکھے جائیں گے۔

موضوعات:شہبازشریف