لاہور (آن لائن) متحدہ اپوزیشن کے ارکان اور پی ٹی آئی کے منحر ف گروپوں کے اراکین کا نجی ہوٹل میں مشاورتی اجلاس ہوا جس میں پنجاب میں حکومت سازی،
مجموعی سیاسی صورتحال اورہائیکورٹ میں زیر سماعت درخواستوں پر تبادلہ خیال کیا گیا۔ تفصیلا ت کے مطابق نامزد وزیر اعلیٰ حمزہ شہباز کی جانب سے متحدہ اپوزیشن اور پی ٹی آئی کے منحرف گروپوں کے رہنما ؤں اوراراکین کو نجی ہوٹل میں افطار ڈنردیا گیا۔ اس موقع پر مجموعی سیاسی صورتحال اورخصوصاًپنجاب میں حکومت سازی کے حوالے سے بھی تفصیلی تبادلہ خیال کیا گیاجبکہ لاہورہائیکورٹ میں زیر سماعت درخواستوں پر بھی گفتگو کی گئی۔حمزہ شہباز نے کہا کہ حکومت کے تاخیری حربے ناکام رہیں گے،ہمارے پاس مطلوبہ تعداد سے زیادہ نمبرز ہیں،وفاق میں تحریک انصاف کو شکست فاش ہوئی،پنجاب میں بھی ان کا یہی مقدر ہے۔
