اسلام آباد (این این آئی) وزیراعظم عمران خان کی سابقہ اہلیہ ریحام خان نے کہا ہے کہ کپل شرما شو میں پاجی (سدھو) کی جگہ خالی ہے، ان کی جگہ عمران خان کو دے دینی چاہیے۔ایک انٹرویومیں ریحام خان نے کہاکہ بھارت کو چاہیے کہ بالی وڈ میں کوئی جگہ بنائے، وہ سمجھتی ہیں کہ عمران خان آسکر وننگ پرفارمنس دے سکتے ہیں۔فلم میں ہیرو یا ولن کا کردار دینے کے سوال پر ریحام خان نے کہا کہ ان میں کامیڈی کا بھی کافی ٹیلنٹ ہے، کپل شرما شو میں پاجی(سدھو) کی جگہ خالی ہے، اب تو انہوں نے شعرو شاعری بھی شروع کردی ہے اور دونوں کے تعلقات بھی کافی اچھے ہیں تو عمران خان کو وہاں کوئی جگہ مل سکتی ہے۔