اسلام آباد (این این آئی) وزیراعظم کے پرنسپل سیکرٹری اعظم خان نے سیکرٹری داخلہ کو خط لکھ کر کہا ہے کہ عمران خان کیلئے بطور سابق وزیراعظم سکیورٹی کا انتظام کیا جائے۔ نجی ٹی وی نے ذرائع کے حوالے سے بتایاکہ وزیراعظم کے پرنسپل سیکرٹری اعظم خان نے سیکرٹری داخلہ کو خط لکھ دیا ہے۔ خط میں کہا گیا کہ عمران خان کی سابق وزیراعظم کے طور پر سکیورٹی کا انتظام کیا جائے اور سکیورٹی کے مجوزہ طریقہ کار کے تحت انتظامات عمل میں لائے جائیں۔خط میں کہا گیا ہے کہ سیکرٹری داخلہ نے خط ایڈیشنل سیکرٹری داخلہ کو ضروری کارروائی کیلئے مارک کردیا۔نجی ٹی وی کے مطابق شیخ رشید احمد نے بھی اپنے لئے سکیورٹی مانگ لی ہے۔