راولپنڈی (این این آئی)لاہور سے جدہ جانے والا پی آئی اے کا طیارہ حادثے سے بال بال بچ گیا،پی آئی اے کی پرواز پی کے. 9759. لاہور سے جدہ کیلئے اڑان بھری تھی۔ ترجمان کے مطابق اڑان بھر نے کے کچھ ہی دیر بعد بوئنگ777طیارے کی ونڈاسکرین میں اچانک کریک پڑ گیا،کپتان نے کراچی کنٹرول ٹاور سے رابطہ کر کے کراچی ایئرپورٹ پر
لینڈنگ کی اجازت طلب کی ۔ ذرائع کے مطابق پرواز میں300سے زائد مسافر سوار ہیں،طیارے کو کراچی ایئرپورٹ پر بحفاظت اتار لیا گیا۔ ائیرپورٹ ذرائع کے مطابق مسافروں کو متبادل پرواز کے ذریعے جدہ روانہ کیا جائے گا۔ ترجمان پی آئی اے نے کہاکہ پرندہ ٹکرانے کی وجہ سے آئوٹر ونڈ اسکرین ٹوٹ گئی،طیارے کو مرمت کیلئے کراچی میں ہینگر منتقل کردیا گیا ۔
