اسلام آباد(نیوز ڈیسک) تھانہ کینٹ کی حدود میں گھریلو جھگڑے پر شوہر نے بیوی اور بیٹی کو فائرنگ کر کے قتل کردیا۔نجی ٹی وی کے مطابق گوجرانوالہ کیتھانہ کینٹ کی حدود کلونڈی کھجور والی میں طفیل نامی شخص نے گھریلو جھگڑے پر اپنی بیوی اور بیٹی کو فائرنگ کر کے قتل کردیا۔ طفیل نے اپنی بیوی مسرت بی بی اور بیٹی عائشہ کے سر میں گولیاں ماریں جس کے باعث دونوں موقع پر ہی ہلاک ہو گئیں۔پولیس ذرائع کا کہنا ہے کہ طفیل پیشے کے لحاظ سے ٹرک ڈرائیور ہے اور وہ 23 روز بعد گھر آیا تھا۔ واقعہ کا مقدمہ درج کر کے تحقیقات کا آغاز کردیا گیا ہے۔