اسلام آباد (مانیٹرنگ ڈیسک )سینئر اینکر پرسن حامد میر نے ارشاد بھٹی کو جیو سے نکالنے والی خبر پر اپنا ردعمل دیتے ہوئے کہا کہ میں ان افواہوں کی تردید کرتا ہوں ، ارشاد بھٹی جیو کا حصہ ہیں ۔ انکا کہنا تھا کہ ارشاد بھٹی کچھ دن کی چھٹی پر بیرون ملک گئے ہوئے ہیں ۔ واضح رہے کہ سوشل میڈیا پر ارشاد بھٹی سے متعلق چلنے والی افواہوں پر ڈاکٹر شریں مزاری نے تشویش کا اظہار کیا اور کہا کہ عمران خان ، ارشاد بھٹی اور ملیحہ ہاشمی نکالا جا چکا ہے لیکن اس حوالے سے انسانی حقوق اور نام نہاد رکھوالوں اور صحافیوں کی طرف سے کوئی آواز بلند نہیں کی جارہی ہے ۔