اسلام آباد (این این آئی)سپریم کورٹ کے تاریخی فیصلہ کے بعد سوشل میڈیا پر آصف زرداری کی پرانی ویڈیوز وائرل ہوگئیں ۔ تفصیلات کے مطابق سپریم کورٹ کے پانچ رکنی بینچ نے متفقہ فیصلہ دیا کہ تحریک عدم اعتماد کو مسترد کرنے کی ڈپٹی اسپیکر قاسم سوری کی 3 اپریل کی رولنگ اور وزیراعظم کی ایڈوائس پر صدر کی جانب سے قومی اسمبلی کو تحلیل کرنا آئین سے متصادم تھا جس کے بعد سپریم کورٹ نے قومی اسمبلی بحال کردی۔اس حوالے سے سابق صدر آصف علی زرداری کی قومی اسمبلی اجلاس میں کی گئی تقریر کی ویڈیوز بھی وائرل ہورہی ہیں جن میں وہ کہہ رہے ہیں کہ یہ حکومت کتنے دن چلے گی کچھ نہیں معلوم۔آصف زرداری کی ایک اور ویڈیو وائرل ہے جس میں وہ کہہ رہے ہیں کہ ہم آپ کو نہیں گرائیں گے، آپ خود گریں گے۔