اسلام آباد (مانیٹرنگ ڈیسک) سپریم کورٹ کا جو بھی فیصلہ آئے گا وہ قبول کریں گے، وزیراعظم عمران خان کا کہنا تھا کہ تحریک انصاف نئے انتخابات کے لیے تیار ہے، وزیراعظم عمران خان نے اپنی قانونی ٹیم سے ملاقات کی، اس ملاقات میں اٹارنی جنرل خالد جاوید خان، بابر اعوان، اظہر صدیق ایڈووکیٹ سمیت دیگر شریک تھے، نجی ٹی وی کے ذرائع کے مطابق اس ملاقات میں وزیراعظم عمران خان کو قانونی ٹیم نے سپریم کورٹ میں از خود نوٹس کی سماعت پر بریفنگ دی۔اس موقع پر وزیراعظم عمران خان نے کہا کہ غیر ملکی سازش کو کسی طور پر کامیاب نہیں ہونے دیں گے۔