سرائے عالمگیر(این این آئی) مسلم لیگ ن کی نائب صدر مریم نواز نے عمران خان کے خط کے خفیہ مندرجات قوم کے سامنے لانے کا اعلان کرتے ہوئے کہاہے کہ جشن کا وقت ہوا چاہتا ہے،قوم تیاری کرے، قومی اسمبلی، پنجاب اسمبلی میں تحریک عدم اعتماد بھاری اکثریت سے کامیاب ہوگی۔ (ن)لیگ کی نائب صدر مریم نواز نے میڈیا سے گفتگو کرتے ہوئے عمران خان کے خط کے خفیہ مندرجات قوم کے سامنے لاؤں گی۔مریم نواز نے کہا کہ جشن کا
وقت ہوا چاہتا ہے،قوم تیاری کرے، قومی اسمبلی، پنجاب اسمبلی میں تحریک عدم اعتماد بھاری اکثریت سے کامیاب ہوگی۔(ن) لیگی رہنما نے کہا کہ عمران خان کو ساڑھے تین سال پہلے گھبرانا چاہیے تھا، انھوں نے ساری توجہ نوازشریف اور شہبازشریف پر رکھی۔مریم نواز نے کہا کہ نوازشریف نے کہا تھا راتوں رات بننیوالی پارٹیاں راتوں رات ٹوٹتی بھی ہیں، نوازشریف کی وہ بات سچ ثابت ہورہی ہے، نئے الیکشن اور نیا مینڈیٹ ہی تمام مسائل کا حل ہے۔
