اسلام آباد (این این آئی)پاکستان تحریک انصاف کے پریڈ گراؤنڈ میں ہونے والے جلسے کے لیے پرائیویٹ میڈیا کو کوریج سے منع کر دیا گیا ،پاکستان تحریک انصاف کی جانب سے پرائیویٹ چینلز کی ڈی ایس این جیز کو جلسہ گاہ سے ہٹا دیا گیا ،پی ٹی آئی انتظامیہ کے مطابق جلسہ گاہ میں کسی بھی پرائیویٹ چینل کے کیمرا مین کو کوریج کی اجازت نہیں ۔وزیر مملکت اطلاعات و نشریات فرخ حبیب کا کہنا ہے کہ جلسے کی کوریج صرف سرکاری ٹی وی چینل کر سکتا ہے، تمام ٹی وی چینلز کو کوریج کی سہولت سرکاری ٹیوی چینل سے لینا ہو گی۔خیال رہے کہ پاکستان تحریک انصاف کے جلسے کیلئے عمران خان نے رات گئے خصوصی آڈیو پیغام بھی جاری کیا تھا اور لوگوں سے جلد از جلد اسلام آباد پہنچنے کی اپیل کی تھی۔