لاہور (مانیٹرنگ، آن لائن) شاہد آفریدی کو اپنی چھوٹی بیٹی کی یاد ستانے لگی، انہوں نے سماجی رابطے کی ویب سائٹ ٹوئٹر پر تصویر شیئر کی اور لکھا کہ اپنی سب سے چھوٹی بیٹی کو بہت مس کر رہا ہوں، ایک ہوٹل میں ہونے کے باوجود کورونا پروٹوکولز کی وجہ سے نہیں مل سکتے۔ انہوں نے لکھا کہ جلد اپنی شہزادی سے ملوں گا۔ شاہد آفریدی نے ایک اور ویڈیو بھی شیئر کی

جس میں ان کی چھوٹی بیٹی کو کمرے میں روتے ہوئے دیکھا جا سکتا ہے۔ واضح رہے کہ پا کستان سپر لیگ سیزن سیون کے دوسرے مرحلے میں صوبائی دارلحکومت لاہور میں کوئٹہ گلیڈیٹرز اور اسلام آباد یونائیٹڈ کی ٹیموں کے درمیان کھیلے جانے والے میچ کی سکیورٹی کے لئے فول پروف اقدامات عمل میں لائے گئے۔سربراہ لاہور پولیس فیاض احمد دیو نے سکیورٹی انتظامات کا جائزہ لینے کے لئے ٹیموں کے روٹس،سٹیڈیم اورپنجاب سیف سٹیز اتھارٹی کنٹرول روم کا دورہ کیا۔انہوں نے قذافی سٹیڈیم کے مختلف انٹری و ڈیوٹی پوائنٹس پر تعینات پولیس افسران اورجوانوں کو انتہائی الرٹ ہو کرڈیوٹی کرنے اورمشکوک سرگرمیوں پر کڑی نظر رکھنے کی ہدایت کی۔سی سی پی او لاہور نے کہا کہ ٹیموں کی سیکیورٹی و سیفٹی پر کوئی سمجھوتہ نہیں کیا جائے گا۔کھلاڑیوں،آفیشلز اور شائقین کرکٹ کو مکمل فول پروف سیکیورٹی فراہم کی جائے۔انہوں نے کہا کہ میچز سکیورٹی کے لئے پہلے سے زیادہ بہتر حکمت عملی اپنائی گئی ہے۔فول پروف سکیورٹی انتظامات کے لئے ضلعی انتظامیہ سمیت تمام اداروں سے کوارڈینیشن میں ہیں۔سی سی پی او لاہور نے پنجاب سیف سٹیز اتھارٹی کے کمانڈ اینڈ کنٹرول روم کا دورہ کرکے پی ایس ایل ٹیموں کی قیام گاہوں سے سٹیڈیم روانگی کے عمل کا جائزہ بھی لیا۔سی سی پی او لاہور کو روٹ،ہوٹلز اور سٹیڈیم کے گردونواح میں سی سی ٹی وی کیمرہ سرویلنس بارے بریفنگ دی گئی۔

سینئر پولیس افسران نے سی سی پی او لاہور کو آگاہ کیا کہ ٹیموں کی قیام گاہ سے سٹیڈیم روانگی اور واپسی پر ٹریفک کو چھ سے نو منٹ کیلئے روکا جارہا ہے۔پی ایس ایل دوسرے مرحلے کے تیسرے میچ کی سکیورٹی پر 08 ہزار سے زاہد پولیس افسران، جوان اور لیڈیزاہلکار تعینات کئے گئے تھے۔کھلاڑیوں،آفیشلز، انٹرنیشنل میڈیا کی قیام

گاہوں، سٹیڈیم اور روٹ پر 102 ڈولفن،82 پی آر یو،73ایلیٹ ٹیمیں،سنائپرز بھی مامور تھے۔شہر بھر میں سرچ اینڈ سویپ آپرشنز جاری ہیں جبکہ سیکورٹی چیکنگ کے لئے ویجیلنس ٹیمیں مقرر کی گئی ہیں۔شہریوں کی آگاہی، ٹریفک روانی کے لئے متبادل روٹس ہدایات سمیت ٹریفک ایڈوائزری جاری کی گئی ہے۔ٹیموں کے لئے دوران مومنٹ زیرو روٹ فراہم کیا گیا۔پی ایس ایل میچز کے دوران شائقین کرکٹ کو شناختی کارڈ، سکیورٹی و کورونا ایس او پیز چیکنگ کے بعد ہی سٹیڈیم میں داخلے کی اجازت دی جا رہی ہے۔