کراچی (این این آئی) ڈرامہ انڈسٹری کی ابھرتی ہوئی اداکارہ بینش راجا نے طلاق کے حوالے سے ایک پوسٹ شیئر کی ہے جس سے قیاس کیا جا رہا ہے کہ اگست2021 میں رشتہء ازدواج میں منسلک ہونے والی اداکارہ کی طلاق ہوگئی ہے۔بینش راجا نے ‘طلاق’ کے عنوان سے ایک تصویر

شیئر کی جس میں تفصیلی کیپشن لکھا۔ انہوں نے لکھا کہ بیشک عورت کو خمیدہ پسلی سے پیدا کیا گیا ہے اور یہی اس کی خوبصورتی کا راز اور اس کی طرف کشش کا راز ہے۔ اور اس بات میں کوئی عیب نہیں ہے، لہٰذا اگر وہ غلطی کرے تو اسے اس انداز میں نہ جھڑکیں جس میں نرمی نہ ہو، اسے سیدھا کرنے کی کوشش کریں۔اداکارہ نے یہ بھی لکھا کہ دوسری صورت میں آپ اسے توڑ دیں گے اور اس کا ٹوٹنا، اس کی طلاق کا سبب بنے گا۔ اس پوسٹ سے اداکارہ کے چاہنے والے یہ اندازہ لگا رہے ہیں کہ بینش راجا نے شوہر سے راہیں جدا کرلی ہیں۔ اداکارہ نے شوہر کے ساتھ پوسٹ کی گئیں تمام سیلفیز کو بھی اپنے اکائونٹ سے ڈیلیٹ کر دیا ہے۔