پشاور(آن لائن)پاکستان پیپلزپارٹی خواتین ونگ کی صوبائی صدرسینیٹرروبینہ خالد نے تحریک انصاف کے پارلیمانی کمیٹی اجلاس میں وزیراعظم اور وزیردفاع کے مابین تلخ کلامی پرردعمل کااظہار کرتے ہوئے کہاہے کہ آج نااہل آپس میں ہی لڑ پڑے، پرویز خٹک نے عمران خان کی

قابلیت پر سوالات اٹھا دئیے اگر نیازی صاحب میں ذرا برابر بھی شرم ہے تو ابھی استعفیٰ دیکر گھر چلے جائیں پی ٹی آئی والوں کو ااب خودبھی اندازہ ہوچکاہے کہ انکی قیادت میں اہلیت نہیں اوروہ اقتدارمیں بیٹھ کر ملک وقوم کا پیسہ ضائع کررہے ہیں انہوں نے مزید کہاکہ عمران نیازی کسی کااحسان نہیں مانتے جہانگیرترین اورپرویزخٹک کی وجہ سے تحریک انصاف کو مرکزاورصوبے میں حکومت ملی آج ان شخصیات کے ساتھ عمران نیازی کامعاندانہ رویہ خودان کیلئے ہزیمت کاباعث بن گیاہے، غیر منصفانہ پالیسیوں کی بدولت ملک میں بے روزگاری اور مہنگائی جیسے مسائل نے ڈھیرے ڈال دیئے ہیں پیپلزپارٹی کالانگ مارچ اس نااہل اورنالائق حکومت سے نجات کاپیش خیمہ ثابت ہوگا۔انہوں نے مزید کہاکہ بلدیاتی انتخابات میں بدترین شکست کے بعد تحریک انصاف کی نااہل حکومت اپنی ساکھ بچانے کی ناکام کوشش میں بلدیاتی الیکشن سکینڈفیزکیلئے دھاندلی کامنصوبہ بندی کرچکی ہے اورصوبے کے 16اضلاع میں انتظامی افسران کی تبدیلی کااسکاعین ثبوت ہے وزراء ایک بارپھرانتخابی حلقوں میں جاکر عوام کو بے وقوف بنانیکی خاطرترقیاتی منصوبوں کے اعلانات کررہے ہیں جوکہ الیکشن ضابطہ اخلاق کی خلاف ورزی ہے حکمرانوں کوعوام کے ووٹ پر ڈاکہ ڈالنے نہیں دینگے۔