لاہور(نیوزڈیسک)پاکستان مسلم لیگ (ن) نے اپنے منشور میں شامل بلٹ ٹرین کا منصوبہ ختم کر دیا ۔ یہ بات وفاقی وزیر ریلوےز خواجہ سعد رفیق نے گزشتہ روز سینئر صحافیوں کو اپنے محکمے کی دو سالہ کارکردگی اور مستقبل کے حوالے سے منصوبوں پر بریفنگ کے دوران بتائی ۔انہوں نے بتایا کہ مختلف کمپنیوں نے فزیبلٹی رپورٹ تیار کر کے دی ہے جسکے مطابق کراچی سے پشاور تک بلٹ ٹرین چلانے کے لئے 68ارب روپے کی خطیر رقم درکار ہے جسکے باعث اس منصوبے کو ختم کر دیا گیا ہے ۔ انہوں نے بتایا کہ اس کی جگہ کراچی سے پشاور تک نیا ٹریک بچھایا جارہا ہے جس پر 140کلو میٹر فی گھنٹہ سے ٹرین چلے گی فی الحال اسے ہی بلٹ ٹرین سمجھا جائے ۔