ہری پور(نیوزڈیسک) پاکستان تحریک انصاف کے چیئرمین عمران خان کی اہلیہ ریحام خان کا ہری پور میں نیا انکشاف،کہتی ہیں کہ عمران خان نیاپاکستان بناچکے ہیں ۔انہوں نے ہری پورمیں تحریک انصاف کی یوتھ ونگ کی تقریب سے خطاب کرتے ہوئے کہاکہ عمران خان کی باتوں کولوگوں نے 126کے دھرنے میں غورسے سنا۔انہوں نے کہاکہ کوئی ان سے پوچھے کوئی عورت سے بھی کوئی ڈرتاہے ۔انہوں نے کہاکہ ان کے طاقت کی نشانی ہے کہ ایک عورت سے ڈرگئے ہیں ۔ریحام خان نے کہاکہ میری خواہش ہے کہ میں عمران خان کووزیراعظم بناﺅں ۔انہوں نے کہاکہ عوام اب روایتی سیاستدانو ں کومستردکرکے نئی نسل کوآگے لائیں ۔انہوں نے کہاکہ جولوگ جوان نہیں تھے ان کوبھی عمران خان نے جوان کردیاہے ۔ریحام خان نے کہاکہ گول ہمیشہ فاروڈکرتاہے گول کیپرنہیں ۔انہوں نے کہاکہ عمران خان کوکسی کاڈرنہیں اس لئے وہ آزادانہ فیصلے کرتے ہیں ۔