اسلام آباد(نیوز ڈیسک) ” محبوب کے کتے سے کبھی محبت کی نہ کروں گا“۔یہ بات جسٹس (ر) وجیہ الدین احمد نے نجی ٹی وی سے گفتگو کرتے ہوئے کہی۔پارٹی رہنماو¿ں کے خلاف بیان بازی سے متعلق پوچھے گئے ایک سوال کے جواب میں انھوں نے کہا کہ اصل مسئلہ یہی ہے کہ اگر آپ کو مجھ سے محبت ہے تو میرے کتے سے بھی محبت کی جائے، ایسا نہ میں نے کبھی کیا ہے اور نہ کروں گا، جو غلط لوگ ہیں ان کے خلاف بولتا رہوں گا اور اپنے موقف پر کھڑا رہوں گا۔ ان کا کہنا تھا کہ عمران خان کے ساتھ ملاقات میں بہت اچھی باتیں ہوئیں اور سوائے قبضہ گروپ کے باقی سب معاملات طے پا گئے تھے لیکن یہ اچانک اس فیصلے میں کیسے موڑ آ گیا اس حوالے سے مجھے کوئی علم نھیں۔انھوں نے کہا کہ ہم اس پارٹی کو یہاں تک لائے ہیں،جاوید ہاشمی نے بھی کہا تھا کہ میں نے تحریک انصاف میں اس لئے شمولیت اختیار کی کہ اس میں جسٹس وجیہہ الدین شامل ہیں۔