اسلام آباد(نیوز ڈیسک) تیز رفتار کار پھاٹک توڑتے ہوئے ٹرین سے ٹکرا گئی جس کے نتیجے میں چوکیدار سمیت 3 افراد جاں بحق اور 2 زخمی ہو گئے۔نجی ٹی وی کے مطابق کامونکی میں تیز رفتار کار بے قابو ہو کر ٹرین سے ٹکرا گئی جس کے نتیجے میں پھاٹک کے چوکیدار سمیت 3 افراد جاں بحق اور 2 زخمی ہو گئے۔ امدادی ٹیموں کے اہلکاروں نے واقعہ میں جاں بحق اور زخمی ہونے والوں کو ڈی ایچ کیو ہسپتال گوجرانوالہ منتقل کیا۔ریسکیو ذرائع کا کہنا ہے کہ کار میں 5 افراد سوار تھے جن کا تعلق ایک ہی خاندان سے تھا اور یہ لوگ ڈسکہ کے رہائشی تھے۔