اسلام آباد (این این آئی) ترجمان وزیراعظم، معاون خصوصی برائے سیاسی ابلاغ ڈاکٹر شہباز گِل نے مراد علی شاہ کے بیان پر ردعمل کا اظہار کرتے ہوئے کہاہے کہ ماضی کی باصلاحیت کہلوانے والی حکومتوں نے ملک کو راستے پر لایا۔اپنے بیان میں انہوںنے کہاکہ ہم دھائیوں سے دھاندلی زدہ جماعتوں کو دفن کر کے سیاست میں آئے، سندھ کے سو کالڈ چمپئن دراصل کرپشن چمپئن ہیں،پیپلز پارٹی کی
ضمانتیں انکے کرتوتوں کی وجہ سے ضبط ہوں گی۔ انہوںنے کہاکہ مراد علی شاہ کی اپنی کارکردگی صفر ہے، سندھ بدترین بد انتظامی کا شکار ہے،جنکی سرکردگی میں کرپشن کا بازار گرم ہو وہاں کارکردگی صفر ہی ہوگی۔ انہوںنے کہاکہ کوئی بھی ٹیم لیڈر کے حوصلے کی وجہ سے اوپر جاتی ہے، کابینہ ہو یا کرکٹ ٹیم وزیراعظم کی لیڈرشپ رول ماڈل کی وجہ سے کارکردگی دکھا رہی ہے۔
