اسلام آباد(آن لائن) پاکستان پیپلز پارٹی کی نائب صدر سینیٹر شیری رحمان نے گیس بحران پر انکوائری کا مطالبہ کرتے ہوئے کہا ہے کہ تباہی سرکار کی وجہ سے سردیوں میں ایک بار پھر گیس کا شدید بحران آنے والا ہے حکومت نے سردیاں آنے سے پہلے ہی گیس کی 15 گھنٹے

لوڈ شیڈنگ کا فیصلہ کیا ہے،اس حکومت کے 3 سال میں ملک و عوام کو مسلسل بحران کا سامنہ ہے، شیری رحمان نے کہا کہ حکومت کی نااہلی کی وجہ سے صنعتیں اور چولھے بند ہو رہے،تین سال میں گیس کی قیمتوں میں 350 فیصد سے زائد اضافہ کیا گیا ہے،انہوں نے کہا کہ حکومت قیمتیں بھی بڑھا رہی اور صارفین کو گیس بھی فراہم نہیں کر رہی،3 سال سے حکومت انہی غلطیوں کو دوہرا رہی ہے جس سے بحران پیدا ہوتا ہے،وقت پر ایل این جی کارگو کی خریداری میں کیا سائنس ہے جو اس حکومت کو 3 سال میں سمجھ نہیں آئی، شیری رحمان نے کہا کہ مہنگی گیس خرید کر ملک کو اربوں روپے کا نقصان اور صارفین کو لوڈشیڈنگ دی گئی،تاریخ میں مہنگی ترین ایل این جی خریدنے والی تباہی سرکار پر کوئی انکوائری کیوں نہیں ہو رہی؟گیس بحران کی انکوائری کی جائے