اسلام آباد (این این آئی)وفاقی وزیر اطلاعات چوہدری فواد حسین نے کہا ہے کہ وزیراعظم عمران خان نے وزارت بین الصوبائی رابطہ کو ہدایت کی ہے کہ وہ سندھ حکومت کو فوری طور پر گندم کی ریلیز کا کہیں۔۔ وفاقی وزیر اطلاعات نے اپنے بیان میں کہاکہ سندھ میں گندم کی

قیمتیں ملک بھر میں سب سے زیادہ ہیں۔۔ وفاقی وزیر اطلاعات نے کہاکہ جس کی وجہ یہ ہے کہ سندھ حکومت نے 12 لاکھ ٹن گندم کی ریلیز روک رکھی ہے، اس سے پہلے سندہ حکومت نے گندم کی خریداری نہیں کی۔ دوسری جانب وفاقی وزیر اطلاعات چوہدری فواد حسین نے اتوار کے روز حلقے میں بزرگوں کی محفل کی یاد گار تصویر شیئر کی۔وفاقی وزیر اطلاعات چوہدری فواد حسین نے اپنے حلقے میں اپنے ووٹرز اور بزرگوں کے ساتھ مختلف امور پر بات چیت کی ۔وفاقی وزیر نے ٹوئیٹر پر اتوار کے روز حلقے میں بزرگوں کی محفل کی یاد گار تصویر بھی شیئر کی۔وزیر اطلاعات نے کہاکہ میں نے 2013 میں کانیاں والا سے کمپین کا آغاز کیا،کشتی کے ذریعے دریائے جہلم عبور کیا اور رات گیے لالٹینوں میں جلسہ کیا۔ چوہدری فواد حسین نے کہاکہ الحمدللہ 2019 میں سڑک بھی بنی پل بنا اور اب یہ گاؤں مرکزی شاہراہوں سے جڑا ہوا ہے۔انہوںنے کہاکہ اتوار کی شام ان بزرگوں کے درمیان گزاری۔