کابل ٗ واشنگٹن(این این آئی)کابل ائیرپورٹ پر طالبان سامان رکھنے کے چلتے اسٹینڈ پر بیٹھ گئے جس کی ویڈیو وائرل ہوگئی۔میڈیا رپورٹ کے مطابق مذکورہ ویڈیو کابل ائیرپورٹ کی ہے جس میں دیکھا جاسکتا ہے

کہ کس طرح ایک طالب سامان رکھنے کے چلتے ہوئے اسٹینڈ پر سامان کے ساتھ بیٹھ کر لطف اندوز ہو رہا ہے اور لگیج کیرئیر چلتے ہوئے اسے سامان کے کمرے میں لے جاتا ہے۔دوسری جانب پینٹاگون نے کہا ہے کہ افغانستان میں فضائی حملوں کے لیے طالبان کو بتانا ضروری نہیں۔میڈیا سے بات کرتے ہوئے پینٹاگون پریس سیکریٹری جان کربی نے بتایا کہ انسداد دہشت گردی کے خلاف کارروائیوں کے لیے تمام اہم حکام کو رابطے میں رکھتے ہیں۔انہوں نے کہا کہ فضائی حملوں میں استعمال ہونے والی صلاحیتوں پر یقین رکھتے ہیں اور اس میں معاون رابطوں کے لیے مخصوص اصولوں کی ضرورت نہیں ہے۔جان کربی نے کہاکہ طالبان سے بھی فی الحال فضائی حدود کے حوالے سے کوئی بات کرنے کی ضرورت نہیں۔انہوںنے کہاکہ توقع کرتے ہیں کہ دہشت گردی کے خلاف کارروائیوں میں اس سلسلے میں مستقبل میں بھی کوئی رکاوٹ نہ ہو۔