لندن (نیوزڈیسک) پاکستانی پیسر جنید خان نے برطانوی کاؤنٹی کلب مڈل سیکس کیساتھ معاہدہ کر لیا ۔ مشہور پاکستانی فاسٹ بائولر جنید خان مڈل سیکس کی طرف سے رائل لندن کپ اور چیمپئن شپ میں ان ایکشن ہوں گے ۔ جنید خان کو آسڑیلیوی کرکٹر جوبرنز کے متبادل کے طور پر ٹیم میں شامل کیا گیا ۔ جوبرنز کو انگلینڈ کے خلاف تیسرے ایشز ٹیسٹ کے لیے طلب کر لیا گیا ۔ اس سے پہلے جنید خان نے 2011 سے 2014 تک برطانوی کلب لنکاشائر کی طرف سے کھیل کر 14.58 کی اوسط سے 31 ٹی 20 وکٹیں حاصل کیں ۔ سٹار پاکستانی بولر مڈل سیکس کی طرف سے اپنے پہلے میچ میں بدھ کو لنکاشائر کے خلاف ان ایکشن ہوں گے –