لاہور(نیوزڈیسک)پاکستا ن کرکٹ بورڈ کے چیئرمین شہریار خان نے کہا ہے کہ متحدہ عرب امارات کے گراﺅنڈز دستیاب نہ ہونے کے باوجود پاکستان سپر لیگ کے انعقاد میں تاخیر نہیں کی جائے گی۔ایک انٹر ویو میں انہوں نے کہا کہ پاکستان سپر لیگ کے حوالے سے مثبت پیشرفت پر مطمئن ہیں۔ لیگ کا بیرون ملک کامیاب طریقے سے انعقاد کیا جاسکتا ہے۔انہوں نے کہا کہ متحدہ عرب امارات اچھا میزبان رہا ہے لیکن یو اے ای کے گراﺅنڈز کی عدم دستیابی کی وجہ سے پاکستان لیگ کے انعقاد میں تاخیر نہیں کر سکتے۔ لیگ کے لیے فیوچر ٹور پروگرام میں ونڈو نکالی گئی ہے۔ پاکستان سپر لیگ کے انعقاد کے لیے وقت ضائع نہیں کیا جائے گا۔