لاہور(نیوز ڈیسک) پاکستان کر کٹ بورڈ نے قومی کرکٹ ٹیم کے کھلاڑیوں پر ایک اور پابندی عائد کرتے ہوئے انہیں سوشل میڈیا پربغیر اجازت کوئی بھی بیان جاری کرنے سے روک دیاہے۔پاکستان کرکٹ بورڈ کی جانب سے قومی کرکٹ ٹیم کے سینٹرل کنٹریکٹ یافتہ کھلاڑیوں کیلئے اہم ہدایت جاری کی گئی ہے۔خلاف ورزی کرنے والے کھلاڑی سینٹرل کنٹریکٹ قوانین کی خلاف ورزی کے مرتکب ہوں گے۔یاد رہے کہ محمد حفیظ نے گزشتہ دنوں سوشل میڈیا پر چیمپئینز ٹرافی میں 9 ٹیموں کی شمولیت کے حوالے سے بیان جاری کیا گیا تھا جس کے بعد پی سی بی نے کھلاڑیوں کو سوشل میڈیا پر بیانات جاری کرنے سے منع کردیا ہے۔