پیرس (نیوز ڈیسک) برطانوی سائیکلسٹ کرسٹوفر فروم نے ٹور ڈی فرانس سائیکل ریس جیت لی ہے۔ تین برسوں میں یہ ان کی دوسری فتح ہے۔ تین ہفتوں تک جاری رہنے والی اس ریس کے اکیسویں اور حتمی مرحلے کا مقابلہ گزشتہ روز ہوا۔ 109 کلو میٹر طویل اس مرحلے میں جرمن سائیکلسٹ آندرے گریپل فاتح رہےتاہم مجموعی کارکردگی کی بنیاد پر ریس کا ٹائٹل ٹیم سکائی کے کرسٹوفر فروم نے جیت لیا۔ فروم 2013 میں بھی ٹورڈدی فرانس کا ٹائٹل اپنے نام کر چکے ہیں۔ سائیکلنگ کے اس سب سے بڑے مقابلے میں برطانیہ کی یہ تیسری فتح ہے،،کولمبیا کے نائرو کیونٹانا ایک منٹ 12 سکینڈ کے فرق سے دوسرے جبکہ سپین کے الے کھیندرو والوردے تیسرے نمبر پر رہے۔کرسٹوفر فروم کیلئے اس ریس سے زیادہ خوشگوار یادیں وابستہ نہیں ہیں کیونکہ اس برس کے دوران ان کے مخالفین نے ان کے حوصلے پست کرنے کیلئے متعدد اوچھے ہتھکنڈے استعمال کئے۔ ان پر پہلے تو انسانی غلاظت پھینکی گئی اور اس کے بعد اگلے مرحلے میں تھوکا گی۔